ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Фән һәм мәгариф

Мәктәп программасына волонтерлык дәресләре кертергә тәкъдим иттеләр

25 июнь 2019, 16:31

Мәгариф министрлыгы, Волонтер үзәкләре ассоциациясе, Россия мәктәп укучылары хәрәкәте, "Җиңү волонтерлары" бу эштә җаваплы башкаручы булырга мөмкин.

(Казан, 25 июнь, “Татар-информ”). Мәктәп программасын волонтерлык буенча дәресләр белән тулыландыру планлаштырыла. Бу хакта ТАСС хәбәр итә.

Россия субъектлары өчен тиешле тәкъдимнәр 2019 елның ноябренә эшләү таләп ителә. Бу хакта 2025 елга кадәр Россиядә иреклеләр үсешенә ярдәм итү Концепциясен гамәлгә ашыру чаралары планында әйтелгән. Әлеге план "Россия киләчәге. Илкүләм проектлар" порталында урнаштырылган.

Шулай итеп, документ "гомуми белем бирү оешмаларының белем бирү программасын ирекле хәрәкәткә багышланган дәресләр белән тулыландыруны" күз алдында тота.

Җаваплы башкаручылар арасында Мәгариф министрлыгы, Волонтерлык үзәкләре ассоциациясе, "Волонтерлар-медиклар", Россия мәктәп укучылары хәрәкәте һәм "Җиңү волонтерлары" булырга мөмкин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10