ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Җәмгыять

Россия Гидрометеорология үзәгендә җәйнең иң эссе көннәре турында сөйләделәр

25 июнь 2019, 11:00

Туфракта тупланган җылылык бары тик 20 июльдән соң гына атмосферага чыга башлаячак.

(Казан, 25 июнь, “Татар-информ”). Россиянең урта полосасында иң эссе җәйге көннәр 31 июльдә һәм 1 августта булачак. Бу хакта Россия Гидрометеорология үзәгенең фәнни җитәкчесе Роман Вильфандка сылтама белән “Российская газета” яза.

Шул ук вакытта ул, 26 июльдән 5 августка кадәр иң җылы декада булачак диде. Белгеч моны “җир өслеге кояштан җылына, җылыны аска, коры катламга бик акрын җибәрә”, дип аңлатты. Бары тик 20 июльдән соң гына ул үзендә тупланган җылыны атмосферага чыгара башлый, диде Гидрометүзәкнең фәнни җитәкчесе.

Вильфанд җәйге кояш торгынлыгы узуын һәм хәзер Рака Тропигында булган Кояш экваторга күчә башлаячагын да әйтте. Димәк, Төньяк ярымшарда көн озынлыгы кыскара, һәм төн озыная дигән сүз.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10