ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Рамзан Кадыйровның аргамагы Казандагы ат чабышында беренче булып килде

24 июнь 2019, 09:34 , Фото: Рамиль Гали

Рамзан Кадыйровның аргамагы Казандагы ат чабышында беренче булып килде Пафос кушаматлы ат Казан Кремле Кубогын отты.

(Казан, 24 июнь, “Татар-информ”, Ксения Перепеченова). Чечня башлыгы Рамзан Кадыйровның Пафос кушаматлы аты Сабан туе хөрмәтенә Казан ипподромында оештырылган ат чабышында беренче килде. Ул Россиядән җыелган тугыз көндәшен узып алдынгы булды. 

Халыкара класслы мастер-жокей Мырзабек Каппушев иярләгән туры айгыр, 2 чакрым аралыкта иң яхшы нәтиҗә күрсәтеп, Казан Кремле Кубогына ия булды. Кубокның приз фонды – 150 мең сум.

“Бу бик тә мантыйкый җиңү. Чөнки 2011 елдан башлап, һәр җәй саен Рамзан Кадыйровның атлары бездә тора. Безнең ипподромны яраталар һәм Казан ипподромы да шулай ук җавап бирә”, - диде Татарстанның Атчылык һәм ат спорты федерациясенең үсеш бүлеге җитәкчесе Флера Абдуллаева.

  • Сабан туе хөрмәтенә оештырылган ярышларда “Алтын аргамак” бүләгенә Мәскәү өлкәсеннән килгән аргамак ия булды.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10