ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Авыл

Әтнә районында сабан культураларын яфрак аша тукландыралар

23 июнь 2019, 02:00 , Фото: atnya-rt.ru/news/mgyiyat/yafrak-asha-tuklandyralar

Әтнә районында сабан культураларын яфрак аша тукландыралар Бу эш Татарстан Авыл хуҗалыгы һәм азык-төлек министрлыгы тәкъдиме нигезендә башкарыла.

(Әтнә, 23 июнь, "Татар-информ", "Әтнә таңы", Хәмит Бадиков). Әтнә районында күпьеллык үләннәрдән сенаж салуның беренче этабы төгәлләнеп килә. Аның каравы сабан культураларын тукландыру тулы көченә дәвам итә.

"Үсемлекләрне яфрак аша тукландырабыз. Отышлы ысул. Культура кирәкле элементларны яхшырак үзләштерә, әллә ни стресс та кичерми", – дип аңлатты белгечләр.

Бу эш Татарстан Авыл хуҗалыгы һәм азык-төлек министрлыгы тәкъдиме нигезендә башкарыла. Районда аны 2 кат уздырырга ниятлиләр.

"Беренче кат эшкәртүне тәмамладык инде. Бер гектар җиргә 10 килограмм исәбеннән карбамид кертәбез. Моңа төрле туклыклы элементлардан торган биопрепаратлар, микроашламалар, “регулятор роста” һәм чүп үләннәренә каршы гербицидлар өстәлә", – диделәр алар.

Шунысы да бар, бу төнлә генә башкарыла, чөнки культура кояш нуры астында файда урынына зыян гына салырга мөмкин. Районның күмәк хуҗалыкларында кичке 6дан иртәнге 6гача тукландыралар. Кирәк булса, бөҗәкләргә, яисә, төрле авыруларга каршы да пестицид, инсектицидлар кушарга була.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10