ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Татар дөньясы

Санкт-Петербург татарлары җыенга әзерләнә

22 июнь 2019, 16:40

Җыен - Сабан туе кебек үк милли чара.
(Казан, 22 июнь, "Татар-информ"). Санкт-Петербург татарлары җыенга әзерләнә. Бу хакта "Питер буйлары" татар оешмасы хәбәр итә. 
 
Җыен иртәгә, ягъни 23 июньгә, билгеләнгән. Анда милли уеннар һәм ярышларда катнашырга, татар милли ризыкларыннан авыз итәргә, концерт программасын тамаша кылырга һәм мастер-классларда катнашырга мөмкин булачак. Балалар өчен аерым мәйданчык эшләячәк. 
 
Шулай ук, җыен барышында "Файда" дип исемләнгән татар берләшмәсе белән таныштыру күздә тотыла. 
 
Җыен - Сабан туе кебек үк милли чара. Гадәттә авыл халкы печәнгә төшәр алдыннан күмәк җыен уздырып, үзара фикер алышкан, аралашкан. Анда авылның өлкәннәре һәм башлыклары да катнашкан, диелә хәбәрдә. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10