ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Сәясәт

Мөхәммәтшин: Депутатларның максаты - икътисад үсешен халык тормышында чагылдыру

21 июнь 2019, 10:57 , Фото: gossov.tatarstan.ru

Мөхәммәтшин: Депутатларның максаты - икътисад үсешен халык тормышында чагылдыру Сентябрьдә Татарстанда республика парламентына депутлар сайланачак.

(Казан, 21 июнь, “Татар-информ”, Надежда Гордеева). Дәүләт Советының яңа чакырылыш депутатлары икътисад үсешен Татарстан халкының тормыш сыйфатында турыдын-туры чагылдыруга ирешергә тиеш. Бу хакта “Бердәм Россия” партиясенең Татарстан бүлекчәсе сәркатибе, Татарстан Дәүләт Советы Рәисе Фәрит Мөхәммәтшин партиянең XXX конференциясендә әйтте.

"Дәүләт Советының яңа чакырылыш депутатларының максаты  - икътисад үсеше Татарстан халкының тормыш сыйфатында турыдын-туры чагылдыруда. Кешеләр үзләренең хезмәт сөючәнлегеннән һәм республика уңышларыннан нәтиҗә алырга хокуклы", - диде “Бердәм Россия” партиясенең Татарстан бүлекчәсе сәркатибе.

Фәрит Мөхәммәтшин сүзләренчә, Татарстан халкының мәнфәгатьләре закон һәм хакимиятнең ышанычлы яклавы астында икәнен практикада исбатларга кирәк. “Бу бурычны бары тик бер генә юл белән хәл итеп була. Сайлаучылар белән ачык һәм ихтирамлы диалог аркылы, гражданнарның мөрәҗәгатенә берсүзсез игътибар биреп ирешеп була”, - дип ышана ул.

Гражданнарның бер генә мөрәҗәгате дә игътибарсыз калмаска тиеш. Бу Татарстандагы “Бердәм Россия” партиясе өчен бик әһәмиятле, диде парламент башлыгы.

Фәрит Мөхәммәтшин, күпсанлы һәм абруйлы партия буларак, “Бердәм Россия” сайлауларда “лаеклы һәм иң әзерлекле, нык торып, иң югары нәтиҗә белән Татарстан үсеше өчен эшләячәк кандидатлар” тәкъдим итәргә сәләтле, диде.

  • Татарстан Дәүләт Советына алтынчы чакырылыш депутатларын сайлау 8 сентябрьдә булачак.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10