ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Путин: Фейк яңалыклар проблемасы кискенләшә бара

20 июнь 2019, 15:38 , Фото: kremlin.ru

Путин: Фейк яңалыклар проблемасы кискенләшә бара Россия Президенты ялган мәгълүматларны тараткан өчен җинаять җаваплылыгы кертергә тәкъдим итте.

(Казан, 20 июнь, “Татар-информ”, Зилә Мөбәрәкшина). Белә торып ялган яңалыклар тарату проблемасы кискенләшә бара, әмма әлегә тиешле законны катгыйландыру турында нәтиҗә ясарга иртәрәк әле, дип саный Россия Президенты.

Бу фикерне Владимир Путин туры элемтә вакытында, тәрҗемәче һәм 1,5 млн язылучысы булган видеоблогер Дмитрий Пучков (Гоблин) тәкъдимнәренә җавап биргәндә белдерде һәм фейк мәгълүматларын тараткан өчен җинаять җаваплылыгы кертергә тәкъдим итте.

“Чыннан да, бу проблема бар, ул тагын да кискенләшә бара”, - диде Путин. Шул ук вакытта ул элек ялган хәбәр өчен бернинди җаваплылык та булмавына, ә хәзер административ җәза кертелүенә игътибар итте.

Россия Президенты хокук куллану тәҗрибәсенә мөрәҗәгать итәргә тәкъдим итте. “Аннары инде моның җитәрлек булуы турында нәтиҗә ясарга мөмкин булачак. Кирәк булса, бу канунга өстәмәләр кертелер",- дип сөйләде ул.

  • Искәртеп үтик, 2019 елның мартында Россиядә фейк яңалыкларын блокировкалау турында канун кабул ителгән иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10