ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Путин министрларның хезмәт хакларын киметүгә каршы

20 июнь 2019, 15:06

“Министрлар гади хезмәткәрләр кебек түгел, хезмәткәрләр министрлар кебек керем алырга тиеш”, диде ул.

(Казан, 20 июнь, “Татар-информ”, Гөлназ Гыйлфанова). Бүген Мәскәүдә уза торган Россия Президенты белән туры элемтә вакытында керемнәрне арттыру, хезмәт хаклары турында сораулар күп булды. Шулар арасында: “Кайчан җитәкчеләр гади хезмәткәрләр кебек акча ала башлаячак?” дигән сорау да яңгырады. Аңа җавап биреп, Президент җитәкче һәм министрларның хезмәт хакларын кискен киметүгә каршы чыкты.

“Җитәкчеләрнең акчаларын артык киметсәк, алар шәхси компанияләргә китеп бетәчәк, хөкүмәттә эшләргә кеше калмаячак”, - диде ул. Ләкин җитәкчеләрнең хезмәт хаклары хезмәткәрләрнекеннән бик күп мәртәбәгә зуррак булу да дөрес түгел, дип белдерде Президент.

“Мин байлар булмасын дип түгел, ярлылар булмасын, дип уйлыйм. Шулай да, мәсәлән, сәламәтлек саклау тармагында ниндидер түрәнең врачка караганда берничә мәртәбәгә артык хезмәт хакы алуын мин ярамаган эш дип саныйм”, - диде Путин.

“Кайбер компанияләрнең хезмәткәрләре һәм җитәкчеләренең аеруча зур керемнәре күзгә ташлана, әлбәттә. Ләкин бу аларның компетентлыгы, квалификация дәрәҗәләре белән бәйле. Шулай да, без гади кешеләр керемнәре белән гаять зур аерманы бетерүгә омтылырга тиеш”, - дип белдерде Россия Президенты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10