ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Владимир Путин: Авыл җирлекләрендә сәламәтлек саклау тармагын яхшыртырга кирәк

20 июнь 2019, 13:11

Бу юнәлештә җирле хакимият яхшырак эшләргә тиеш, ди Президент.

(Казан, 20 июнь, “Татар-информ”). Россия Президенты Владимир Путин туры элемтә вакытында сәламәтлекне саклау тармагындагы проблемалар турында белдерде. Бу хакта РИА Новости хәбәр итә.

Сәламәтлекне саклау өлкәсендә Путин 3 төп проблеманы билгеләде. Шуларның беренчесе – беренчел медицина ярдәменең кешеләргә барып ирешүе. Бу юнәлештә ФАПлар ачыла, мобиль бригадалар булдырыла, дип сөйләде Владимир Путин. Ул авылларда медицина хезмәтен яхшыртырга кирәк, дип белдерде.

Тармактагы икенче проблема – кадрлар җитмәве, дип саный Президент.

Өченче проблема – халыкны дарулар белән тәэмин итү. Федераль бюджет тарафыннан каралган барлык акчалар төбәкләргә җибәрелде, ә менә җирле хакимиятләр эшләп җиткерми, дип белдерде Президент.

Гомумән, Россия халкын борчыган төп проблемалар арасында Владимир Путин сәламәтлек саклау өлкәсен атады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10