ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Мәдәният

Балалар китапханәсендә «Китап укучылар белән бергә 100 ел» әдәби бәйрәме була

20 июнь 2019, 08:39

Татарстан Республикасы балалар китапханәсе оешуга 100 ел тула.

(Казан, 20 июнь, "Татар-информ"). Бүген «Республика балалар китапханәсе» дәүләт бюджет мәдәният учреждениесендә «Китап укучылар белән бергә 100 ел!» дип исемләнгән әдәби бәйрәм була. Ул Татарстан Республикасы балалар китапханәсе оешуга 100 ел тулуга багышланган. Бу турыда Татарстан Мәдәнит министрлыгы матбугат хезмәте хәбәр итте.

Китапханәнең даими укучыларын мавыктыргыч программа көтә. Биредә яраткан әкият геройлары белән уеннар һәм күңел ачулар; иң яхшы китап укучыларны бүләкләү; призлар һәм бүләкләр булачак, диелгән әлеге хәбәрдә.

10:00-13:00 сәгатьтләрдә Китапханә бульвары - Республика балалар китапханәсендә балалар өчен бәйрәм территориясе оештырыла.

Балалар өчен берничә мәйданчык ачылачак: Библиобатл «ПроСТО», «Китаплы дартс» уены, «Безнең герой бул!» грим ясау конкурсы, «Асфальттагы рәсемнәр»,  «Казан серләре» библиомарафоны, «Китап белән гасырлар аша…» ретро-күргәзмәсе, «Бөтен гаилә белән китапханәгә» исемле осталык дәресе.

13:00 сәгатьтә «Китап укучылар белән бергә 100 ел!» дип исемләнгән театральләштерелгән тамаша башлана. Уку залында әкият геройлары белән театральләштерелгән әдәби-музыкаль тамаша уза, китапханәнең иң яхшы китап укучыларына истәлекле бүләкләр тапшырыла. Катнашучыларны китапханәнең партнерлары һәм дуслары, шулай ук аның китап укучыларыннан котлаулар көтә.

15:00 сәгатьтә флешмоб була. Китапханә укучылары, чарада катнашучылар һәм теләге булган һәркем флешмобта катнашу һәм күккә шарлар очыру өчен Республика балалар китапханәсе каршындагы мәйданга җыелачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10