ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Спорт

Түбән Камада 50 метрлы бассейнлы олимпия спорт комплексы төзеләчәк

19 июнь 2019, 19:53 , Фото: архив

Түбән Камада 50 метрлы бассейнлы олимпия спорт комплексы төзеләчәк Ирек Зиннуров билгеләп үткәнчә, «Түбән Кама нефтехим» ярдәмендә шәһәрнең «визит карточкасы» булачак яхшы, тулы кыйммәтле бассейн төзеләчәк.

(Казан, 19 июнь, «Татар-информ»). Түбән Камада тиздән 50 метрлы бассейн төзелә башлаячак. Бу Түбән Кама шәһәрендә Олимпия дәрәҗәсендәге беренче су объекты булачак. Җир кишәрлеге инде бүлеп бирелгән. Бу турыда Татарстан Түбән Кама районы матбугат хезмәте хәбәр итә.

Россия Дәүләт Думасы депутаты Ирек Зиннуров визиты вакытында спорт объекты төзелеше турында фикер алыштылар. Комплекс 1,6 гектар участокта өч үзәк проспекты: Химиклар, Вахитов һәм Шинников киселешендә урнашачак. Әлеге проект нигезенә Әлмәттә «Мирас» спорт комплексы салыначак.

Анда, 50 метрлы бассейннан тыш, тренажер залы, Актив озын гомер үзәге, спорт секцияләре, фин саунасы, дөрес туклану кафесы һәм башка зоналар эшләячәк.

Сиднейдагы Олимпиадада су полосы буенча көмеш медаль яулаган Ирек Зиннуров «Түбән Кама нефтехим» ярдәмендә шәһәрнең «визит карточкасы» булачак яхшы, тулы кыйммәтле бассейн төзеләчәген әйтте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10