ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Теләче делегациясе Ульяновск өлкәсенең Иске Кулаткы районында Сабан туенда булды

19 июнь 2019, 02:00 , Фото: tulachi.ru/

Теләче делегациясе Ульяновск өлкәсенең Иске Кулаткы районында Сабан туенда булды Ике район арасында килешү төзелде.

(Теләче, 19 июнь, “Татар –информ”, "Теләче", Фәнил Нигъмәтҗанов). Теләче районы үзешчәннәре һәм көрәшчеләре муниципаль район башлыгы урынбасары Айрат Фәтхуллин җитәкчелегендәге 50 кешелек делегация Ульяновск өлкәсенең Иске Кулаткы районында узган Сабан туенда катнашты. Бу турыда җирле басма хәбәр итә.

Кулаткылыларны теләчелеләр исеменнән Сабантуй бәйрәме белән муниципаль район башлыгы Айрат Фәтхуллин котлады. Ул үзенең чыгышында Татарстан Президенты Рөстәм Миңнехановның һәм район башлыгы Илдус Зариповның кайнар сәламнәрен, тәбрикләүләрен җиткерде.

Рәсми котлауларны һәм истәлек бүләкләрен Иске Кулаткы районы башлыгы Лилия Богданова белән район администрациясе башлыгы Илдар Мәһдиев кабул итеп алды.

Рәсми котлаулардан соң ике район арасында хезмәттәшлек итү турында килешү төзелеп, ике як вәкилләре Айрат Фәтхуллин белән Илдар Мәһдиев тарафыннан кул куелды. Килешү икътисади мәнфәгатьләр белән беррәттән, мәдәни багланышларны күз алдында тота.

Бу юлы да район көрәшчеләре Иске Кулаткы Сабан туенда матур көрәш үрнәкләре күрсәттеләр һәм үз үлчәү авырлыкларында җиңүче булып танылды.

Җырларга да һәвәс булган, үзе көрәшче егет, 65 килограммга кадәр үлчәү авырлыгында бил алышкан Данил Галимов - икенче, 80 килограммга кадәр үлчәү авырлыгында көрәшкән Алмаз Сәетов белән 80 килограммнан югары үлчәүдә көч сынашкан Рамил Мөхәммәтов беренче урынга лаек булды. Абсолют батыр булып Рамил Мөхзәммәтов танылды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10