ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Азнакай укучысы Россиякүләм бәйгедә икенче урын алган

19 июнь 2019, 06:00

Ул төрле якка хәрәкәт итә алучы роботлаштырылган тәгәрмәчле “Байкал” космик шатлын ясаган.

(Азнакай, 18 июнь, “Татар-информ”, “Маяк”, Резеда Шәрипова). Азнакай Балалар иҗаты үзәгеннән Фирзәт Гатауллин Мәскәүдә узган “Яшь техник-модельче” Бөтенроссия башлангыч техник модельләштерү һәм конструктрлаштыру конкурсында икенче урынны алган. Бу турыда җирле басма хәбәр итә.

Үз проектында ул техник иҗатның ике юнәлешен: авиомодельләштерү һәм җиңел конструкцияләүне берләштереп, төрле якка хәрәкәт итә алучы роботлаштырылган тәгәрмәчле “Байкал” космик шатлын ясаган.

Фирзәт укытучысы Гүзәлия Хәкимова җитәкчелегендә  проектын уңышлы яклаган.

Әлеге бәйгедә Россиянең 21 төбәгеннән 50дән артык укучы катнашкан.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10