ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Күп функцияле үзәктә гариза бирүчеләр турында база барлыкка киләчәк

17 июнь 2019, 20:11

Хәзерге вакытта «Белем базасы» эшкәртелә һәм мәгълүматлар белән тулыландырыла, диде Татарстан Республикасында КФҮ директоры Ленара Мозаффарова.

(Казан, 17 июнь, «Татар-информ», Надежда Гордеева). Татарстанда Күп функцияле үзәктә (КФҮ) гариза бирүчеләр турында «Белем базасы» барлыкка киләчәк. Ул күп функцияле үзәкләр белгечләренә кабул итү вакытында бирегә килүченең хезмәт күрсәтү өчен тиз арада шәхси мәгълүматларын алырга ярдәм итәчәк, шуның белән аның КФҮ офисында булу вакытын кыскартачак. Бу хакта Күп функцияле үзәк директоры Ленара Мозаффарова хәбәр итте.

«Белем базасы»н булдырасы килә. Әгәр кеше безгә мөрәҗәгать иткән булса, аның паспорт мәгълүматлары базага кертелгән була инде. Килүченең фамилиясен керткәндә «Белем базасы»ннан паспорт мәгълүматлары, ИНН һ.б. чыгачак. Ягъни гариза автомат рәвештә тутырылачак. Кеше офиста 15 түгел, ә ике минут булачак», – дип сөйләде спикер.

Ленара Мозаффарова хәзерге вакытта «Белем базасы» мәгълүматлары белән тулылана һәм актив эшкәртелә, дип билгеләп үтте.

«Бу ябык мәгълүмат, ул беркая да чыга алмый һәм аннан беркем дә файдалана алмый. Һәр хезмәткәрнең үз цифрлы электрон имзасы бар, алар хәтта эшне дә аннан башка башлап җибәрә алмый», – диде Татарстан Республикасында Күп функцияле үзәк директоры.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10