ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Татар дөньясы

Лаеш районы Мәскәү өлкәсе Щелково шәһәрендә Сабан туе уздыры

16 июнь 2019, 12:41 , Фото: пресс-служба Лаишевского района РТ

Лаеш районы Мәскәү өлкәсе Щелково шәһәрендә Сабан туе уздыры Өлкә Сабан туенда Мәскәү шәһәреннән Рушан Ганиев баш батыр булды.

(Казан, 16 июнь, “Татар-информ”). Мәскәү өлкәсе Щелково шәһәрендә XIX өлкә Сабан туе булды. Бәйрәмне Лаеш районы оештырды. Бу хакта район администрациясенең матбугат хезмәте хәбәр итә.

Бәйрәм Лаеш районы башкарма комитеты башлыгы Михаил Федоров, Щелково шәһәр округы башлыгы вазифаларын башкаручы Сергей Горелов, Татарстан Республикасының Россия Федерациясендәге Даими вәкиллеге рәисе урынбасары Эмиль Фәйзуллин һәм Мәскәү өлкәсе татарларының төбәкара милли-мәдәни автономиясе рәисе Фәрит Мохтасаров катнашында булды.

Сабан туенда сәүдә рәтләре эшләде, җирле җитештерүчеләрнең продукциясе, шулай ук Лаеш районы оештырган татар утары тәкъдим ителде. Мәртәбәле кунакларны чәкчәк һәм биюләр белән каршы алдылар. Соңыннан Лаеш районы һәм Казанның “Сәйдәш” бию театры артистлары, Щелково шәһәр округы, Мәскәү һәм Мәскәү өлкәсе коллективлары катнашында концерт булды.

Сергей Горелов үз чыгышында Щелковода һәм Мәскәү өлкәсендә бик күп милләт вәкилләре, шул исәптән татарлар яшәвен әйтте. Аның сүзләренчә, өлкәдәге беренче мәчет тә Щелковода төзелгән.

Традиция буларак бәйрәм ачылышында 2020 елда Мәскәү өлкәсе Сабан туе узачак шәһәргә бәйрәм символы тапшырылды. Киләсе елда милли бәйрәм Красногорск шәһәрендә узачак.

Көрәш мәйданында өлкәнең иң яхшы көрәшчеләрен сайладылар. Өлкә Сабан туенда баш батыр булып Мәскәүдән Рушан Ганиев калды. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10