ҺАВА ТОРЫШЫ +3 oC

Яңалыклар

барлык хәбәрләр Татарстан Россия
×

Татар дөньясы

Истанбулда бүген Сабан туе була

16 июнь 2019, 11:57 , Фото: Рушания Алтай

Истанбулда бүген Сабан туе була Истанбулдагы милли бәйрәмдә Мәдәниятне үстерү фонды башкарма директоры Нурия Хашимова Татарстан сәламнәрен тапшыра.

(Истанбул, 16 июнь, “Татар-информ”, Рушания Алтай). Бүген Истанбулда Сабан туе үткәрелә. Анда Татарстан дәүләте исеменнән ТР Президенты каршындагы Мәдәниятне үстерү фонды башкарма директоры Нурия Хашимова катнаша. Бу хакта Татарстанның Төркиядәге вәкиле Айрат Гатауллин хәбәр итә.

Сабан туенда республикабызның яшь сәнгать әһелләре - баян остасы Азат Галимуллин, җырчылар Илгиз Шәйхразиев, Вероника Кузнецова, биючеләр Айгөл Кыямова һәм Раил Ганиевнең сәхнә тотулары көтелә. Төрле уеннар, бәйгеләр белән үрелеп баручы бәйрәм чарасы программасын студентлар Айгөл Галимуллина белән Ленар Хаҗиев алып бара.

Айрат Гатауллин сүзләренчә, Истанбул Сабан туе Татарстанның Төркиядәге вәкаләтле вәкиллеге тарафыннан оештырыла. Вәкиллек кунакларны ашату-эчертү мәсьәләсен хәл иткән, халыкны сабан туе мәйданына китерү өчен махсус автобуслар яллаган. Татарстан сәнгать әһелләрен каршылауны студентлар оештырган.

Истанбул Сабан туе Белград урманы эчендәге LivePark Qubbe Bahçe дигән паркта була. Татарстан вәкиллеге инстаграм сәхифәсендә бу хакта алдан ук язып чыкты. Анда, урыннар чикле булу сәбәпле, сабан туена катнашырга телүчеләрнең алдан хәбәр итүләре соралган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10