ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Чаллы егетенең мәетен Петергофта тапканнар

14 июнь 2019, 16:53

Санкт-Петербург дәүләт университеты студентының мәетен Гостилицк шоссесы аша узып баручы кеше күреп алган.

(Чаллы, 14 июнь, «Татар-информ», Эльвира Мөхәммәтдинова). Бу көннәрдә эзләнгән Чаллы шәһәренең 20 яшьлек студент егете үле килеш табылган. Бу хакта «Татар-информ»га танылган фотограф Андрей Веретенников хәбәр итте.

Санкт-Петербург дәүләт университеты студентының мәете Петергофта иске окоп янында табылган. Аны Гостилицк шоссесы аша узып баручы кеше күреп алган.

«Хәзер мәрхүмнең әти-әниләре Петергофта, аларга улларының мәетен бирергә тиешләр һәм соңыннан җирләү мәсьәләләрен хәл итәчәкләр. Гаилә өчен зур фаҗига. Антон әти-әнисенең бердәнбер баласы иде», - диде Веретенников.

  • «Татар-информ» элек 20 яшьлек Чаллы егетенең 10 июньдә тулай торактан чыгып китүен һәм әйләнеп кайтмаганын хәбәр иткән иде. Егетне эзләү өч көн дәвам итте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10