ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Икътисад

Рөстәм Миңнеханов Falk Beratung җитәкчелеге белән хезмәттәшлек турында сөйләште

13 июнь 2019, 20:02 , Фото: tatarstan.ru

Рөстәм Миңнеханов Falk Beratung җитәкчелеге белән хезмәттәшлек турында сөйләште Рөстәм Миңнеханов сүзләренчә, Татарстан нефть-газ химиясе комплексы предприятиеләре масштаблы инвестпроектларны гамәлгә ашыруны дәвам итә.

(Казан, 13 июнь, «Татар-информ»). Татарстан Президенты Рөстәм Миңнеханов һәм Falk Beratung GmbH компаниясе генераль директоры доктор Томас Фальк газ-мотор ягулыгы базарын үстерү буенча хезмәттәшлек мәсьәләләре турында фикер алыштылар. Очрашуда шулай ук Atlas Copco сәнәгать җиһазлары җитештерү компаниясе вәкиле дә катнашты. Бу хакта Татарстан Президенты матбугат хезмәте хәбәр итә.

Рөстәм Миңнеханов бүгенге көндә республиканың нефть, газ, химия комплексы предприятиеләренең масштаблы инвестиция проектларын гамәлгә ашыруны дәвам итүе турында сөйләде, шулай ук алга таба хезмәттәшлек итү өчен зур потенциал барлыгын әйтте.

Встреча Президента Республики Татарстан 
Р.Н. Минниханова 
с генеральным директором компании Falk Beratung GmbH 
доктором Томасом Фальком

«Соңгы елларда республикада газ-мотор ягулыгын куллану буенча җитди эш алып барыла. Без сыекландырылган газ базарын актив үстерәбез, якын киләчәктә — сыекландырылган табигый газ (СПГ) һәм аның белән бәйле инфраструктураны үстерәчәкбез», — диде ул.

Президент сүзләренчә, республикада 20 газ заправкасы станциясе эшли, сыекландырылган табигый газ куллану күләме арта. Ә газда эшләүче транспорт чарасы саны 5,5 мең берәмлек тәшкил итә. Татарстанда транспорт чараларын сыекландырылган метанга яңадан җиһазландыру буенча тулы инфраструктура булдырылган, диде Рөстәм Миңнеханов.

Встреча Президента Республики Татарстан 
Р.Н. Минниханова 
с генеральным директором компании Falk Beratung GmbH 
доктором Томасом Фальком

Шулай ук очрашу кысаларында яклар газ-мотор ягулыгы базарын үстерү өлкәсендә хезмәттәшлек перспективалары, компрессор һәм вакуум техникасын, насос һәм криоген җиһазларны проектлау һәм җитештерү өлкәсендә уртак проектларны гамәлгә ашыру турында фикер алыштылар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10