ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Спорт

Лилия Галимова Казан Кремлендә Бердыевның китүен ни өчен расламауларын аңлатты

13 июнь 2019, 18:16 , Фото: архив/Михаил Захаров

Лилия Галимова Казан Кремлендә Бердыевның китүен ни өчен расламауларын аңлатты
 «Рубин»ның баш тренеры отставкага китү турындагы гариза 5 июньдә футбол клубы сайтында чыкты.

(Казан, 13 июнь, «Татар-информ», Динара Прокопьева). Казан Кремленең рәсми вәкиле Лилия Галимова Корбан Бердыевның «Рубин» футбол клубының баш тренеры вазифасыннан китүен ни өчен расламавын аңлатты. Бу турыда ул Татарстан Министрлар Кабинетында узган брифингта сөйләде.

  • Галимова чәршәмбе көнне, 5 июньдә,  «Казан Кремле «Рубин» футбол клубының баш тренеры Корбан Бекиевич Бердыевның отставкага китүе турындагы мәгълүматны расламый», дип әйткән иде. «Рубин» клубы матбугат хезмәте хәбәр иткәнчә, ике як та килешеп, футбол клубы баш тренер белән мөнәсәбәтләрне килешү вакыты тәмамланганчы өзгән.

«Бердыевның отставкага китүе турындагы сорауны биргәндә, бездә андый мәгълүмат юк иде, минем чыганаклар аны расламады. Бу турыда Татарстан Президентына хәбәр иткәч, ул үз фикерен әйтте», - дип җавап бирде Галимова журналистларга. Корбан Бердыев турында булган кадәр сандагы сораулар «брифингларда әле булганы юк иде», дип өстәде ул.

Галимова Татарстан Президентының «Рубин»ның кадрлар мәсьәләләрендә катнашмавын һәм футбол белән шөгыльләнмәвен әйтте. «Бу клубның үз хокукы», - диде Казан Кремле вәкиле.

  • Бердыев җитәкчелегендә «Рубин» ике тапкыр Россия чемпионы булды - 2008 һәм 2009 елларда, ике тапкыр ил чемпионаты медальләрен яулады (2003 һәм 2010 елларда), Россия Кубогы иясе булды һәм Европа Лигасының чирекфиналына кадәр җитте.

«Рубин»ның баш тренеры вазифаларын башкаручы итеп Роман Шаронов билгеләнде. Ул уенчы сыйфатында Казан клубы өчен 1999 − 2004 һәм 2008 − 2014 сезоннарында чыгыш ясады.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10