ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Казаннан Үзбәкстанга авиарейслар артырга мөмкин

13 июнь 2019, 15:41 , Фото: архив/Ильнар Тухбатов, tatarstan.ru

Казаннан Үзбәкстанга авиарейслар артырга мөмкин
 Татарстан Президенты Рөстәм Миңнеханов Үзбәкстан Республикасының Россиядәге илчесе белән илгә туристлар агымын алга этәрү турында фикер алышты.

(Казан, 13 июнь, «Татар-информ», Динара Прокопьева). Казаннан Үзбәкстанга авиарейслар күбрәк булырга мөмкин. Бу тема буенча Татарстан Президенты Рөстәм Миңнеханов Үзбәкстанның Россиядәге илчесе Ботиржон Асадов белән очрашуда фикер алышты. Бу хакта Казан Кремленең рәсми вәкиле Лилия Галимова хәбәр итте.

Встреча Президента Республики Татарстан 
Р.Н. Минниханова 
с Чрезвычайным и Полномочным Послом Республики Узбекистан 
в Российской Федерации 
Ботиржоном Закировичем Асадовым

«Очрашу барышында Үзбәкстанга авиарейслар санын арттыру идеясе яңгырады. Аерым алганда, өстәмә порт варианты итеп инде гамәлдә булганнарын карарга. Республика Президенты билгеләп үткәнчә, туристлык агымын алга этәрү эшен көчәйтергә кирәк, чөнки Үзбәкстанның бик тирән тарихы бар», — диде ул.

Бу мәсьәлә Үзбәкстанга республикадан туристлар агымын анализлауны исәпкә алып эшләнәчәк. Очрашуда шулай ук Туризм буенча Татарстан Республикасы Дәүләт комитеты рәисе Сергей Иванов та катнашты.

Үзбәкстан башкаласы Ташкентка Казаннан туры рейслар бар инде. Очу өч сәгать дәвам итә. Татарстан башкаласы белән Ташкент арасында аерма +2 сәгать.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10