ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Икътисад

Рөстәм Миңнеханов Үзбәкстан белән товар әйләнешен арттыруны яклап чыгыш ясады

13 июнь 2019, 13:06 , Фото: tatarstan.ru

Рөстәм Миңнеханов Үзбәкстан белән товар әйләнешен арттыруны яклап чыгыш ясады Татарстан Президенты Үзбәкстанның Казандагы Генераль консуллыгы ачылыр алдыннан Үзбәкстанның Россиядәге илчесе белән очрашты.

(Казан, 13 июнь, «Татар-информ», Динара Прокопьева). Татарстан Президенты Рөстәм Миңнеханов Үзбәкстанның Россиядәге илчесе Ботиржон Асадов белән очрашуда Үзбәкстан белән товар әйләнешен арттыруны яклап чыгыш ясады. Казан Кремленең рәсми вәкиле Лилия Галимова ТР Хөкүмәте йортында узган брифингта шул хакта хәбәр итте.

«Бүген иртән ТР Президенты Үзбәкстанның Россиядәге илчесе Ботиржон Асадов белән очрашты. Ул Татарстанга Үзбәкстанның Казандагы генераль консуллыгы бинасын ачу тантанасында катнашу өчен килде», - диде Галимова.

Встреча Президента Республики Татарстан 
Р.Н. Минниханова 
с Чрезвычайным и Полномочным Послом Республики Узбекистан 
в Российской Федерации 
Ботиржоном Закировичем Асадовым

Татарстан белән Үзбәкстан арасында тыгыз хезмәттәшлек Миңнехановның Үзбәкстан Президенты Шәүкәт Мирзияев белән очрашуыннан соң – 2018 елның сентябрендә башланды. Узган елда тышкы сәүдә әйләнеше 146 миллион доллар тәшкил итте, бу 2017 елгы күрсәткечкә караганда 50 процентка артыграк.

«Әмма, Рөстәм Нургалиевич инануынча, бу саннар чик түгел. Ул әлеге эшне көчәйтергә, бу номенклатураны тагын да җентекләп өйрәнергә һәм аңа басым ясарга тәкъдим итте», - дип искәртте Казан Кремленең рәсми вәкиле.

Очрашуда катнашучылар фикеренчә, шиннар җитештерү һәм Үзбәкстандагы нефть чыганакларын Татарстан катнашында үзләштерүнең перспективалары бар. Асадов шулай ук республика проектларына карата кызыксыну белдерде, аның өчен «Химград» технополисы һәм Иннополис буйлап экскурсия оештыруларын сорады.

Встреча Президента Республики Татарстан 
Р.Н. Минниханова 
с Чрезвычайным и Полномочным Послом Республики Узбекистан 
в Российской Федерации 
Ботиржоном Закировичем Асадовым

Илче шулай ук Миңнехановны эш сәфәре белән Үзбәкстанга чакырды. ТР Президенты мондый мөмкинлекне быелның көзендә караячак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10