ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Татар китабы Евразия ярминкәсендә "Иң яхшы китаплар" конкурсында гран-при алды

13 июнь 2019, 07:16

Татарстан китап нәшрияты беренче тапкыр Нур-Солтан шәһәрендә Евразия халыкара китап күргәзмәсе-ярминкәсендә катнашты.

(Казан, 13 июнь, "Татар-информ"). Татарстан китап нәшрияты тарафыннан чыгарылган "Татар костюмы" китабы Казахстанда «Eurasian Book Fair» IV Евразия халыкара китап күргәзмәсе-ярминкәсе кысаларында узган "Елның иң яхшы китабы" конкурсында гран-при алды. Бу хакта нәшрият матбугат хезмәте хәбәр итә.

"Күргәзмәдә беренче тапкыр Татарстан китап нәшрияты катнашты, ул китаплар, шул исәптән сәнгать һәм тарихи әдәбият, уку әсбаплары, сүзлекләр, иллюстрацияләнгән альбомнар, балалар басмалары һәм башка бик күп нәрсәләр тәкъдим итте", — диелә хәбәрдә.

"Eurasian Book Fair" күргәзмәсе Нур-Солтан шәһәрендә (Казахстан) узды. Бу Евразия киңлегендә иң зур мәдәни-агарту чарасы, ул Европа һәм Азия илләренең нәшрият, фәнни-мәгариф һәм полиграфия компанияләрен берләштерә.

Күргәзмәдә якын һәм ерак чит илләрдән, шул исәптән Россия, Азәрбайҗан, Таҗикстан, Әрмәнстан, Кыргызстан, Төркия, Кытай, Иран, Польша, Бельгия, Латвия, Украина, Үзбәкстаннан 90 компания катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10