ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

“Үз укытучың турында сөйлә” видеороликлар конкурсы игълан ителде

11 июнь 2019, 16:41

Бәйгегә 1,5 минуттан да артык булмаган бер видеороликны (видео, фотофильм, мультипликация) кабул ителә.

(Казан, 11 июнь, "Татар-информ"). Педагоглар, ата-аналар һәм укучылар «Үз укытучың турында сөйлә» видеороликлар конкурсында катнаша ала. Бу турыда Татарстан Мәгариф һәм фән министрлыгы матбугат хезмәте хәбәр итте.

Конкурста катнашып, «Россиянең ел укытучысы» конкурсының төбәк этапларында җиңү яулаган финалистларга ярдәм итәргә була. Бәйге җиңүчесенә Россия Мәгариф минстрлыгының дәүләт белем бирү сәясәтен һәм мәгълүмати технологияләрне гамәлгә ашыру үзәге призы биреләчәк.

Һәр мәктәп теләсә нинди техникада башкарылган 1,5 минуттан да артык булмаган бер видеороликны (видео, фотофильм, мультипликация) күрсәтә ала.

Эшләр электрон почта аша aer@informika.ru 2019 елның 15 июненнән 15 сентябренә кадәр кабул ителә. Җиңүче тавыш бирү нәтиҗәләре буенча билгеләнәчәк. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10