ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Казан дары заводында янгын чыкты

10 июнь 2019, 17:24

300 квадрат метр мәйданда дүрт катлы җитештерү бинасының түбәсе янып киткән, зыян күрүче булмаган.

(Казан, 10 июнь, «Татар-информ»). Казан дары заводында янгын чыккан. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Казан дары заводы территориясендә янгын турында хәбәр бүген 112 ашыгыч хезмәтләрне бердәм чакыру номерына 15 сәгать 52 минутта килде», – дип хәбәр иттеләр Татарстан Гадәттән тыш хәлләр министрлыгында.

Ут 300 квадрат метр мәйданда җитештерү бинасының түбәсен ялмап алган. Дары һәм шартлаткыч матдәләр яну куркынычы юк.

Урында Казан янгын сүндерү-коткару гарнизоны бүлекчәләре һәм 35 номерлы махсус идарә бүлекчәләре хезмәткәрләре эшли.

16 сәгать 54 минутта 300 квадрат метр мәйданда янгын сүндерелгән, кешеләр зыян күрмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10