ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Новосибирск татарларына микроавтобус бүләк итте

9 июнь 2019, 09:01 , Фото: Владимир Васильев

Рөстәм Миңнеханов Новосибирск татарларына микроавтобус бүләк итте Бүген Новосибирскида федераль Сабан туе уза.

(Новосибирск, 9 июнь, "Татар-информ", Алсу Исмәгыйлева). Татарстан Президенты Рөстәм Миңнеханов Новосибирск татарлары региональ иҗтимагый оешмасына "Хендай" микроавтобусы бүләк итте. Татарстан бүләге федераль Сабан туеның төп сәхнәсендә тапшырылды.

Моннан тыш, Миңнеханов Новосибирск татарларының актив вәкилләренә мактаулы исемнәр тапшырды.

Новосибирск өлкәсе татар автономиясе рәисе Əмир Гәрәевка "Тугры хезмәт өчен" медале бирелде. Новосибирск дәүләт филармониясе солисты Диләрә Варфоломеевага Татарстанның атказанган артисты, "Мирас" вокаль ансамбле җитәкчесе Людмила Гиндуллинага Татарстанның атказанган мәдәният хезмәткәре исемнәре бирелде.

Новосибирск балалар татар студиясендә татар теле укытучысы Рәмзия Галевага, Новосибирск өлкәсе татар мәдәни үзәге директоры Рауза Тихомировага Татарстан Президенты Рәхмәт хатлары тапшырылды.

Сабан туе сәхнәсендә шулай ук Новосибирск губернаторы Андрей Травников өлкә үсешенә зур өлеш керткән татарларга Рәхмәт хатлары тапшырды.

  • 2010 елгы җанисәп буенча, Новосибирск өлкәсендә 24 меңнән артык татар яши. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10