ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Татар дөньясы

Краснодар татарлары оешмасы рәисе вафат булу сәбәпле Сабан туе кичектерелгән

8 июнь 2019, 10:13 , Фото: Юныс Хәйров

Краснодар татарлары оешмасы рәисе вафат булу сәбәпле Сабан туе кичектерелгән Васил Ягъфәров кичә кич кинәт вафат булган.

(Казан, 8 июнь, "Татар-информ", Рәмис Латыйпов). Краснодар крае татарларының "Болгар-К" милли оешмасы рәисе Васил Ягъфәров (Ягофаров) вафат булу сәбәпле, 9 июньдә узарга тиешле Сабан туе башка көнгә күчерелгән. Бу хакта "Татар-информ"га автономия рәисе урынбасары Юныс Хәйров хәбәр итте. 

"Васил Зөфәрович авырмады, кисәк вафат булды. Тромб өзелгән", - диде Юныс Хәйров. Автономия җитәкчелеге Краснодарда Җиңүнең 30 еллыгы исемендәге паркта узарга тиешле Сабан туен башка көнгә күчерү турында карар кабул иткән. 

Васил Ягъфәров Свердловск өлкәсендә туган. Әти-әнисе күченеп китү сәбәпле, беренче класска Кубаньда укырга керә, соңыннан Кировскига күченеп китәләр. Армиядән кайткач, Васил Ягъфәров Кубаньга әйләнеп кайта, профтехучилищеда эшли, аннан соң эшмәкәрлек белән шөгыльләнә, такси ача. Аның кул астында 200 кеше эшләгән.

Васил Ягъфәров 2003 елда Валерий Хәйруллин белән "Болгар-К" татар берлеген оештыра. 2018 елда "Кубанские Новости" сайтына биргән интервьюсында ул милли үзенчәлекләрне саклау һәм төрле халыкларның бер-берсенең мәдәниятен өйрәнүне бурыч итеп куюы хакында сөйләгән.

  • Краснодар краенда 28 мең татар теркәлгән, татар җәмгыятендә 65 активист бар. "Булгар-К" край үзәгендә Сабан туе, башка чараларны уздыра, социаль челтәрләрдә актив эшчәнлек алып бара.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10