ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Мәдәният

«Нәүрүз» фестиваленең хедлайнерын күренекле режиссер Роман Феодори тәкъдим итте

8 июнь 2019, 10:47 , Фото: Рамиль Гали

«Нәүрүз» фестиваленең хедлайнерын күренекле режиссер Роман Феодори тәкъдим итте Казанда "Нәүрүз" театр фестивале төгәлләнде.

(Казан, 8 июнь, «Татар-информ», Рузилә Мөхәммәтова). «Нәүрүз» театр фестиваленең хедлайнеры булган румын спектаклен күренекле режиссер, “Алтын битлек” театр премиясе лауреаты Роман Феодори тәкъдим итте. Театр фестивале NOTTARA театры спектакле белән төгәлләнде.

Спектакль алдыннан NOTTARA театры вәкилләре һәм спектакльне куючылар белән үткәрелгән матбугат конференциясендә Роман Феодори румын артистларының эш алымнары турында сөйләде. «Мин румын артистларының темпераментына Мольер әсәрләре туры килүен аңладым. Ул нәкъ менә алар драматургы», - диде Роман Феодори.

Ул рус актерларының эш башланганчы күп сораулар бирүләре, ә румын актерларының киресенчә, башта эшләп караулары турында сөйләде. Роман Феодори Казанда “Тормышмы бу?” спектаклен каравын, татар артистларына соклануын әйтте.

«Мольер» спектакле Камал театрының зур залында аншлаг белән узды. Тамашачы синхрон тәрҗемәсендә колакчыннар аша режиссер Роман Феодориның үз тавышын ишетте.

Спектакль бөек драматургның биографиясенә нигезләнгән. Режиссер бөек комедиографның “Тартюф”, “Дон Жуан”, “Плутни Скапена”, “Мнимый больной” пьесаларындагы мәгълүматны кулланган.

  • Роман Феодори – Красноярск ТЮЗының баш режиссеры, “Алтын битлек” театр премиясе лауреаты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10