ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Авыл

Актанышта савымчылар ярышты

8 июнь 2019, 01:00 , Фото: aktanysh-rt.ru

Актанышта савымчылар ярышты Җиңүчеләрне Актаныш районы башлыгы Энгель Фәттахов тәбрикләп, Мактау грамоталары һәм акчалата премияләр тапшырды.
(Казан, 8 июнь, "Татар-информ", "Актаныш таңнары", Лилия Бәхтиева). Актанышта үткән савымчылар бәйгесендә абсолют җиңүче титулына “Чишмә” хуҗалыгыннан Ландыш Вәлиева лаек булды. Бу хакта район газетасы хәбәр итә. 
 
35 яшьтән өлкәнрәк савымчылар арасында беренче урынга “Башак” хуҗалыгыннан Альбина Муллахмәтова чыкты, икенче урынны “Чишмә” агрофирмасыннан Илгизәр Сәлимгәрәев яулады, өченче урында – “Нур” хуҗалыгыннан Гөлсинә Хөсәенова. 
 
35 яшькә кадәр савымчылар арасында беренче урынга “Чишмә” агрофирмасыннан Алия Галиева лаек булды. Икенчелек “Башак”тан Гүзәл Әхмәтовада, җиңүчеләр өчлеген “Нур” хуҗалыгыннан Алинә Булатова йомгаклады. 
 
Шулай ук җиңүчеләрне лаборантлар, зоотехниклар, технологлар арасында да билгеләделәр. 
 
Ветеринар табиблар арасында җиңүче булып “Тамыр” хуҗалыгыннан Әлфәрит Харисов танылды. Икенче урынга “Саф” хуҗалыгыннан Гөлнар Зарипова лаек булды. Өченче урын “Башак”тан Лилия Гыйльфановага бирелде.
 
Җиңүчеләрне Актаныш районы башлыгы Энгель Фәттахов тәбрик итте. Аларга Мактау грамоталары, чәчәк бәйләмнәре, акчалата премияләр тапшырылды. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10