ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Икътисад

Антон Силуанов: Үзмәшгульләр өчен салым ставкасы үзгәрмәячәк

7 июнь 2019, 19:34

Россиянең финанс министры үзмәшгульләр өчен салым режимы үз-үзен аклады дип белдерде.

(Казан, 7 июнь, “Татар-информ”). Үзмәшгульләрнең керемнәре өчен салым ставкасы үзгәрмәячәк. Әлеге мәгълүматны Петербург Халыкара икътисади форумында беренче вице-премьер – Россиянең финанс министры Антон Силуанов әйтте. Бу хакта ТАСС хәбәр итә.

“Үзмәшгульләр өчен ставка – 4 һәм бизнес белән эшләүчеләр өчен 6 процент. Ул үзгәрмәячәк”, - диде министр.

Аның сүзләренчә, үзмәшгульләр өчен булган салым режимы үз-үзен аклаган. Программада катнашкан дүрт пилот төбәктә рәсми төстә теркәлгән үзмәшгульләр саны 100 меңнән артып киткән. Ул 2020 елдан Россия Финанс министрлыгының илдәге субъектларга үз территорияләрендә әлеге салымны кертү хокукын бирергә әзер булын әйтте. 

  • Үзмәшгульләр өчен салым 2019 елда тест режимында Россиянең дүрт төбәгендә: Мәскәүдә, Мәскәү өлкәсендә, Калуга өлкәсендә һәм Татарстанда кертелде. Ул ялланган эшчеләр тотмыйча физик затларга тәүләүле хезмәт күрсәтүче халыкның кеременнән 4, ә компанияләр белән эшләүчеләрдән 6 процент салым түләтүне күздә тота.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10