ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Япониянең Yokogawa компаниясе ТАИФка нәтиҗәлелекне арттырырга ярдәм итәчәк

7 июнь 2019, 14:34 , Фото: tatarstan.ru

Япониянең Yokogawa компаниясе ТАИФка нәтиҗәлелекне арттырырга ярдәм итәчәк Компания үзенең төп эшчәнлегеннән тыш, кадрлар әзерләү һәм белгечләрне укыту белән дә шөгыльләнә.

(Санкт-Петербург, 7 июнь, «Татар-информ», Диана Авакян). «Иокогава Электрик СНГ» ҖЧҖ компаниясе ТАИФка предприятиеләрнең нәтиҗәлелеген арттыруда ярдәм итәчәк. Петербург халыкара икътисади форумы кысаларында хезмәттәшлек турында килешү имзаланды.

«Безнең компания һәм «ТАИФ» арасында озак вакытка исәпләнгән мөнәсәбәтләр урнашкан. Без автоматлаштыру системалары белән тәэмин итәбез, шулай ук предприятиеләрнең эш нәтиҗәлелеген арттыруга юнәлдерелгән проектлар төзибез. Шул исәптән, бу нефть химиясе һәм нефть эшкәртү секторындагы яңа төзелеш һәм җайланма проектларына да кагыла», - дип белдерде журналистларга Yokogawa компаниясе президенты Такаши Нишиджима.

Работа делегации Республики Татарстан во главе с Президентом РТ Р.Н.Миннихановым в Петербургском международном экономическом форуме.

Компания үзенең төп эшчәнлегеннән тыш, кадрлар әзерләү һәм белгечләрне укыту белән дә шөгыльләнә.

«Без Татарстан һәм республикада эшләүче компанияләр белән үзара мөнәсәбәтләрне алга таба үстерү һәм ныгытуга карата кызыксыну белдерәбез», - дип искәртте Нишиджима. Ул Yokogawa компаниясенең «Түбән Кама Нефтехим»ның яңа этилен комплексы проектында катнашу өчен бөтен көчен куячагын әйтте.

Работа делегации Республики Татарстан во главе с Президентом РТ Р.Н.Миннихановым в Петербургском международном экономическом форуме. 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10