ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Дин

Сабаның Туктар авылында Рамазан ае мәчетне "кире кайтарган"

7 июнь 2019, 06:00 , Фото: saby-rt.ru/

Сабаның Туктар авылында Рамазан ае мәчетне Авылның элеккеге мәчете бик күп еллар клуб итеп файдаланылган.
(Казан, 7 июнь, "Татар-информ", "Саба таңнары", Гүзәлия Ганиева). Изге Рамазан аенда Туктар авылында да ниһаять азан тавышы ишетелә башлады. "Саба таңнары" шул хакта яза. 
 
Авылның элеккеге мәчете бик күп еллар клуб итеп файдаланылды. Инде яңа клуб бинасы булганга да елдан артык вакыт үткән иде. Шул арада элеккеге мәчеттә ремонт эшләре барды. Өлкәннәр моңарчы җомга намазларын китапханә өлешендә укып тордылар. Азан әйтү өчен мөмкинлекләр булмады.
 
Менә изге Рамазан аеның беренче көненнән үк азан тавышы яңгырый башлады. Авылга нур иңгән кебек булды. Авыл имамы Ринат Зиннәтуллин биш вакыт намазга чакырып азан әйтә башлагач, өлкән яшьтәгеләрнең күңелләре күтәрелеп, иманнары ныгып китте. 
 
Тугызынчы дистәне ваклап килүче Нуретдин абый Рафыйковның да шатлыгы эченә генә сыймый: "Сеңлем, бөтен райондашлар белән уртаклашасы иде әлеге шатлыкны", - дип мөрәжәгать итте ул. 
 
"Азан тавышының тәэсире барын ишетеп белә идем. Инде менә үзем дә инандым. Бу араларда кәефем китеп тора. Азан әйтер вакыт җиткәч тәрәзәне ачтырам. Шаулап ишетелгән аһәңле тавыштан йөрәкләргә ял иңә, авыруларым кимеп киткәндәй була",- дип сөйли ул. 
 
Мин дә аның сүзләрен куәтләп: "Әйе шул, азан тавышы ишетелгән җирдән шайтаннар да кача", - дип өстәдем.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10