ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда сүндерелмәгән тәмәке төпчеге аркасында чыккан янгында ике кеше үлгән

6 июнь 2019, 13:28 , Фото: ГУ МЧС России по РТ

Татарстанда сүндерелмәгән тәмәке төпчеге аркасында чыккан янгында ике кеше үлгән Янгын кичә төнлә Олы Кабан авылындагы бер катлы агач йортта чыккан.

(Казан, 6 июнь, «Татар-информ»). Татарстанда сүндерелмәгән тәмәке төпчеге янгын чыгуга сәбәпче булган. Янгында 44 яшьлек хатын-кыз һәм 25 яшьлек ир-атның гомере өзелгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Олы Кабан авылының Озерная урамындагы бер катлы агач йортта янгын чыгуы турындагы хәбәр 112 бердәм номерына кичә 22.03 сәгатьтә килгән», - дип искәрттеләр ведомствоның матбугат хезмәтендә.

Ут белән көрәшүчеләрнең беренче төркеме урынга биш минут эчендә килеп җиткән. Алар ялкын телләренең бөтен йортны һәм каралтыларны (берничә сарайны) ялмап алуын ачыклаган. Янгын сүндерүчеләрне каршы алган күршеләр өйдә кешеләр булырга мөмкин икәнлеген әйткән.

Ут белән көрәшүчеләр янгынны 40 минут эчендә тулысынча сүндергән. Кисәүләрне аралаган вакытта 25 яшьлек ир-атның мәете табылган. Ярты сәгатьтән соң янгын сүндерүчеләр ишек янында тагын бер куркыныч табылдыкка - 44 яшьлек хуҗабикәнең мәетенә юлыккан.

Янгынның гомуми мәйданы 211 квадрат метр тәшкил иткән. Фаҗига саксыз тәмәке тарту сәбәпле килеп чыккан дип фаразлана.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10