ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Мәдәният

Башкортстан театры вәкилләре тамашачының тәрҗемә әсәрләрен карамавын әйтә

6 июнь 2019, 10:39 , Фото: пресс-служба театра Г. Камала

Башкортстан театры вәкилләре тамашачының тәрҗемә әсәрләрен карамавын әйтә Казанда "Нәүрүз" театр фестивале бара.

(Казан, 6 июнь, «Татар-информ», Рузилә Мөхәммәтова). Башкортстан театрлары вәкилләре тамашачының тәрҗемә әсәрләрен салкын кабул итүе турында әйттеләр. «Нәүрүз» театр фестиваленең Башкортстан театрларына багышланган матбугат конференциясендә катнашучылар тамашачының тәрҗемә әсәрләренә мөнәсәбәте турында фикер алыштылар.

“Сер түгел инде – башкорт тамашачысы тәрҗемә әсәрләрен кабул итми. Шуңа башкорт һәм татар драматургиясе белән эшлибез”, - ди Мостай Кәрим исемендәге Милли яшьләр театры режиссеры Азат Җиһаншин.

“Безнең тамашачы да, сезнең тамашачы кебек үк тәрҗемә әсәрләрен кабул итеп бетерми. Тамашачыга, кызганычка каршы, геройлары мөселман исемнәре булган спектакльләр генә кызыклы, - ди “Нур” театры вәкиле, театр белгече Динә Дәүләтшина.

Быел төрки халыкларның «Нәүрүз» халыкара театр фестивале башкорт театрларына багышланган иде. Шунлыктан фестивальдә Башкортстанның алты театры катнашты. Болар – М.Гафури исемендәге академия театры, М.Кәрим исемендәге Милли яшьләр театры, Стәрлетамак һәм Салават дәүләт театрлары, “Нур” татар театры һәм Уфа курчак театры.

Фестивальгә тәкъдим ителгән алты спектакльнең өчесе тәрҗемә әсәре иде, берсе – татар язучысы рус телендә язган “Зөләйха күзләрен ача” романы буенча спектакль, калган икесе – легендар башкорт әдибе Мостай Кәрим әсәрләре нигезендә куелган сәхнә әсәрләре.

Театр белгече Динә Дәүләтшина әйтүенчә, Башкортстан театрлары тәкъдим иткән спектакльләрне фестивальнең программа директоры Нияз Игъламов махсус килеп караган, фестиваль өчен әсәрләрне дә ул сайлап алган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10