ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Икътисад

Татарстан һәм Haier компаниясе Чаллыда “акыллы завод” төзү турында килеште

5 июнь 2019, 20:19 , Фото: tatarstan.ru

Татарстан һәм Haier компаниясе Чаллыда “акыллы завод” төзү турында килеште Кер юу машиналары җитештерү заводы төзү проектын 2019-2022 елларда тормышка ашырырга планлаштыралар.

(Казан, 5 июнь, “Татар-информ”). Бүген Мәскәүдә Россия Сәнәгать һәм сәүдә министрлыгы, Татарстан Хөкүмәте, Яр Чаллы шәһәре һәм Haier корпорациясе Автошәһәрдә кер юу машиналары җитештерүче “акыллы завод” төзү буенча меморандумны имзалады. Бу хакта Татарстан Республикасы Президентының матбугат хезмәте хәбәр итә.

Подписание Меморандума о намерениях между Министерством промышленности и торговли России, Республикой Татарстан, мэрией Набережных Челнов и корпорацией Haier. Принимает участие Президент Республики Татарстан Р.Н.Минниханов

Документка Россиянең сәнәгать һәм сәүдә министры Денис Мантуров, Татарстан Президенты Рөстәм Миңнеханов, Яр Чаллы мэры Наил Мәһдиев һәм Haier корпорациясе президенты Чжоу Юньцзе кул куйды.

Завод Чаллының югары технологияле индустриаль паркы территориясендә төзелергә тиеш. Яңа җитештерү IV сәнәгать революциясе стандартларына туры киләчәк дип планлаштырыла. Инвестиция проектын 2019-2022 елларда тормышка ашыру фаразлана.

Подписание Меморандума о намерениях между Министерством промышленности и торговли России, Республикой Татарстан, мэрией Набережных Челнов и корпорацией Haier. Принимает участие Президент Республики Татарстан Р.Н.Минниханов

Проектны тормышка ашыру башлыча Россиянең, шулай ук Татарстанның һәм Яр Чаллының социаль-икътисади үсешенә ярдәм итәчәк. Уникаль җитештерү булдырырга, төрле дәрәҗәдәге бюджетка салым күчерүне арттырырга, югары технологияле продукция тармагында илнең экспертлар потенциалын үстерергә булышачак.

  • Яр Чаллыда Haier “акыллы заводын” төзү эшләрен 2019 елның IV кварталында башлау, ә 2021 елда эшләтеп җибәрү планлаштырыла. Кер юу машиналары җитештерү буенча беренче Haier заводын 2019 елның III кварталында ук ачарга планлаштыралар.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10