ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Рәсми Татарстан

Татарстанда экология өлкәсендә хокук бозулар саны ун процентка арткан

5 июнь 2019, 10:27 , Фото: архив/Владимир Васильев

Татарстанда экология өлкәсендә хокук бозулар саны ун процентка арткан Казанда санитар-экологик ике айлыкка йомгак ясалды.

(Казан, 5 июнь, “Татар-информ”, Зилә Мөбәрәкшина). Бүген Татарстанда торак пункт территорияләрен чистарту буенча санитар-экологик ике айлыкка йомгак ясалды. Быел экология буенча 6730 хокук бозу очрагы теркәлгән, былтыр бу сан 6127не тәшкил иткән, ул чама белән ун процентка арткан. Бу хакта Татарстан Республикасы экология һәм табигать ресурслары министры Александр Шадриков Хөкүмәт йортында узган брифингта хәбәр итте.

Министр сүзләренчә, Татарстан районнары башкарма комитетлары тиз арада хокук бозу очракларын хәл итәргә керешкән. “Әлмәт, Зәй, Түбән Кама, Бөгелмә муниципаль районнары, Казан һәм Яр Чаллы шәһәрләре онлайн режимда эшләде”, - диде ул.

Тикшерү барышында барлыгы 1447 рөхсәтсез чүплек урыннары табылган, шуларның 96,6 проценты инде бетерелгән. Җыештыру эшендә 13,5 берәмлек техника җәлеп ителгән, бер миллион агач һәм куаклар утыртылган. Балалар мәйданчыклары, чүп савытлары төзекләндерелгән.

Ике ай эчендә чүплекләрне бетерү буенча түбәндәге районнар 100 процент күрсәткечкә ирешкән: Саба, Спас, Биектау, Теләче, Чирмешән, Зәй, Тәтеш, Кама Тамагы, Кукмара, Лениногорск, Мамадыш, Менделеевск, Азнакай, Аксубай, Ютазы, Буа, Нурлат, Яшел Үзән, Әлмәт, Түбән Кама, Мөслим, Арча, Әлки, Балтач, Баулы, Чүпрәле һәм Бөгелмә районнары.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10