ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Юстиция министрлыгы алиментның яңа төрен кертергә тәкъдим итте

5 июнь 2019, 17:37

Аерылышкан ата-аналар балаларының торак шартларын яхшырту өчен яңа алимент түли башларга мөмкин.

(Казан, 5 июнь, «Татар-информ»). Ата-аналар аерылышканда, балага торак өчен өстәмә түләргә тиеш булуы ихтимал. Россия Юстиция министрлыгы шундый тәкъдим белән чыкты. Бу хакта норматив-хокукый актларның федераль порталында хәбәр ителә.

Алиментның яңа төре аерым яшәгән һәм яңа торакка мохтаҗ булган балаларның ата-аналарына кагылачак. Шул ук вакытта бала торак мәйданы белән тәэмин ителүгә яки торак шартларын яхшыртуга мохтаҗ дип танылырга тиеш. Бу очракта бала булган гаиләдә күчемсез милек яки аны сатып алу өчен акча булмау,  ә алиментчы үзе эшкә сәләтле булу шарты куела.

Түләү зарурлыгы һәм алимент күләме суд тарафыннан билгеләнәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10