ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Дин

Казанда “Рамазан Фест” бәйрәме гаиләнең әһәмиятенә багышланды

4 июнь 2019, 17:23 , Фото: Михаил Захаров

Казанда “Рамазан Фест” бәйрәме гаиләнең әһәмиятенә багышланды Ураза гаете быел Казанда бәйрәм вәгазе белән чикләнмичә, шәһәр халкы катнашында тантаналы бәйрәм белән билгеләп үтелде.

(Казан, 4 июнь, “Татар-информ”, Зилә Мөбәрәкшина). Бүген Казанда беренче тапкыр үтүче “Рамазан Фест” бәйрәме гаиләнең мөһимлеге, аның асылы, проблемалары темаларына багышланган иде. Бу хакта “Татар-информ” хәбәрчесенә Казан арты мәчетенең имам ярдәмчесе, оештыручы Айгөл Махиянова сөйләде.

“Без бәйрәмдә әби-бабай, әти-әни, балалар кебек персонажлар ярдәмендә гаиләнең мөһимлеге турында сөйлибез. Әлеге чара гаиләләрне берләштерергә тиеш, ул бәйрәмнең асылын тоярга ярдәм итә», - диде ул.

Айгөл Махиянова сүзләренчә, "Рамазан Фест" - башка халыкларга мөселманнарның бәйрәмен күрсәтү, таныштыру максатыннан оештырыла. "Без бу бәйрәмгә бөтен мөселманнарны һәм шәһәр кунакларын чакырдык. Монда килүче һәр кеше гаиләсе, балалары, якыннары белән ял итә", - ди ул.

Паркта урнашкан мәйданчыкларда тегәргә, бәйләргә өйрәнергә мөмкин иде. "Без белгечләрне чакырдык, алар мастер-класс күрсәтә, файдалы киңәшләр бирә. Татар дизайнеры Нурия Умай яулык бәйләргә өйрәтә, мөселман модасы турында лекция сөйли. Сынлы сәнгать, рәсем буенча да мәйданчыклар бар", - диде оештыручы.

Айгөл Махиянова мөселман гаиләләре Рамазан аен, беренче чиратта, гаиләләр белән үткәрергә тиеш дип саный. "Ураза көннәрендә мәчетләрдә бергәләп авыз ачтык. Бу айда күбрәк изгелекләр эшләргә, бүләкләр бирешергә кирәк", - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10