ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Дин

Владимир Путин Россия мөселманнарын Рамазан ае тәмамлану белән котлады

4 июнь 2019, 09:27 , Фото: архив kremlin.ru

Владимир Путин Россия мөселманнарын Рамазан ае тәмамлану белән котлады
Россия Президенты мөселман оешмаларының динара һәм милләтара диалогларны үстерүгә керткән өлешен билгеләп үтте.

(Казан, 4 июнь, «Татар-информ»). Россия Президенты Владимир Путин мөселман җәмәгатьчелеген изге Рамазан ае тәмамлану белән котлады.

Ураза бәйрәме дин тотучыларны исламның югары рухи һәм әхлакый кыйммәтләрен, ата-бабаларыбызның традицияләрен һәм гореф-гадәтләрен сакларга өнди, ярдәмгә һәм таянычка мохтаҗ кешеләрне кайгыртуга чакыра, диелә Татарстан Республикасы Хөкүмәте адресына булган котлау телеграммасында.

Россия Президенты шулай ук мөселман оешмаларының динара һәм милләтара диалогларны үстерүгә, Россия халыклары берләшүенә керткән өлешен билгеләп үтте.

«Россия мөселман җәмгыяте алга таба да ил тормышында актив катнашыр, үзенең нәтиҗәле эшчәнлеге белән безнең бәһасез тарихи, мәдәни, рухи мирасны саклауга ярдәм итәр дип ышанам», – диелгән котлау текстында.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10