ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Дин

Бүген мөселманнар Ураза гаетен бәйрәм итә

4 июнь 2019, 06:16

Бүген мөселманнар Ураза гаетен бәйрәм итә Ураза гаете вәгазе Казанда һәм Татарстанның башка эре шәһәрләрендәге мәчетләрдә 6 сәгать 30 минутта башлана.

(Казан, 4 июнь, "Татар-информ"). Бүген мөселманнар Ислам динендәге иң зур бәйрәмнәрнең берсен - Рамазан аеннан соң билгеләп үтелә торган Гайдел-фитр, ягъни Ураза гаетен бәйрәм итә.

Гайдел-фитр, ягъни Ураза бәйрәме, икенче төрле итеп әйткәндә Ураза гаете Рамазан аеннан соң билгеләп үтелә. Ураза гаете һәм Зөлхиҗҗә аенда уздырыла торган Гайдел-әдха, ягъни Корбан бәйрәме Исламдагы иң зур бәйрәмнәрнең берсе.

Мөселманнар Рамазан аенда Ураза тотканнан соң, җомга иртәсендә мәчетләргә җыелып намаз укый, аннары туганнары, якыннары белән бергә табыннарга утыра. Ураза гаете Россиянең һәр төбәгендә, сәгать поясына бәйле рәвештә, төрле вакытта уза. Ураза бәйрәм өч көн дәвам ителә. Татар халкында Ураза гаетендә табынга коймак пешерү гадәте бар, аны "Гает коймагы" дип тә атыйлар.

Кырым, Адыгея, Башкортостан, Дагыстан, Чечня, Ингушетия, Кабарда-Балкар, Карачәй-Черкес республикаларында, шулай ук Татарстанда да Ураза бәйрәме ял көне. Рәсми мәгълүматлар буенча, илдә барлыгы 20 миллион мөселман яши, 7 меңнән артык мәчет һәм намаз кылу урыны бар.

Татарстан Республикасы Диния нәзарәте карары буенча, быел Ураза гаете вәгазе Казанда һәм Татарстанның башка эре шәһәрләрендәге мәчетләрдә 6 сәгать 30 минутта, бәйрәм намазы 7 сәгатьтә башлана. Авылларда гает вәгазе вакытын мәхәлләләр үзләре билгели. Республикакүләм төп чара Казанның Галиев мәчетендә узачак, биредә вәгазьне ТР мөфтие Камил Сәмигуллин укыячак.

"Яңа Гасыр" каналы бәйрәмнән туры трансляция алып бара. Ул 6:30 сәгатьтә башлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10