ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Халыкара форум киңлекләрендә компанияләр күргәзмәсен карады

3 июнь 2019, 16:04 , Фото: tatarstan.ru

Рөстәм Миңнеханов Халыкара форум киңлекләрендә компанияләр күргәзмәсен карады
Татарстан Президенты Финляндиягә ике көнлек эш сәфәре белән килде.

(Казан, 3 июнь, «Татар-информ»). Финляндиягә эш сәфәре кысаларында Татарстан Президенты Рөстәм Миңнеханов «World Circular Economy Forum» яңадан торгызылучы ресурслар (циркуляр икътисад) Халыкара форумы киңлекләрендә махсуслаштырылган күргәзмәне карады. Бу хакта Татарстан Президенты матбугат хезмәте.

Рабочий визит в Хельсинки (Финляндская Республика) Президента Республики Татарстан Р.Н.Минниханова

WCEF2019 халыкара форумы бу көннәрдә Хельсинкида уза. Чарада циркуляр икътисад чишелешләрен тәкъдим итүче төрле оешмалар һәм предприятиеләр катнаша.

Финляндия икътисад министры вазифаларын башкаручы Мика Линтиля белән бергә Татарстан Президенты экспозицияне карады. Күргәзмә мәйданчыкларында 20ләп компания тәкъдим ителгән, иң кызыклы һәм инновацион проектлар турында кыскача катнашучы компания вәкилләре сөйләде. Betolar компаниясе вәкилләре энергетика, тау эшкәртү һәм урман сәнәгатенең төрле калдыкларын экологик чиста бетонга әверелдерү технологиясен тәкъдим иттеләр.

Рабочий визит в Хельсинки (Финляндская Республика) Президента Республики Татарстан Р.Н.Минниханова

Моннан тыш, форум кырларында Рөстәм Миңнеханов Финляндиянең әйләнә-тирә мохит һәм энергетика министры белән очрашты һәм чараның ачылу тантанасында катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10