ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять, Дин

"Ярдәм" мәчетендә бәйрәм вәгазе сурдотәрҗемә белән укылачак

3 июнь 2019, 16:28

Ураза бәйрәме уңаеннан чаралар мәчеттә иртәнге сәгать биш тулып утыз минутта башлана.

(Казан, 3 июнь, "Татар-информ"). Ураза гаете уңаеннан Казандагы “Ярдәм” мәчетендә үзенчәлекле бәйрәм вәгазе укылачак - ул сурдотәрҗемә (ишетмәүчеләр өчен ишарәләр теле) белән алып барылачак. Б турыда ТР Диния нәзарәтенең матбугат хезмәте хәбәр итә.

Ураза бәйрәме уңаеннан чаралар мәчеттә иртәнге сәгать биш тулып утыз минутта башлана, аннан соң дога кылына. Иртәнге алты тулып утыз минутта - бәйрәм вәгазе, иртәнге җидедә – Гает намазы.

Рамазан ае дәвамында Казандагы “Ярдәм” фонды карамагындагы укыту-тернәкләндерү үзәге һәм “Ярдәм” мәчете янындагы “Рамазан чатыры”нда 6 майдан 3 июньгә кадәр ифтарлар узды (Серов ур., 4а йорты). “Ярдәм” милли ислам хәйрия фонды “Ярдәм” мәчетендә ифтарларны көн саен 1200 кешелек итеп оештырды, сәхәрләргә 300гә якын кеше килде. 

Монннан тыш, 4 июньдә иртәнге сәгать унда “Ярдәм” милли ислам хәйрия фондының укыту-тернәкләндерү үзәгендә күрмәүчеләр һәм начар күрүчеләр өчен дәвалау-укыту-тернәкләндерү курслары тәмамлана. Бу - “Йөрәк белән күрәбез һәм ишетәбез” социаль проектын тормышка ашыру өчен бирелгән Россия Президенты гранты кысаларында оештырылган дүртенче курс. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10