ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Җәмгыять

Татарстанга яңадан көчле җил һәм бозлы яшенле яңгырлар киләчәк

2 июнь 2019, 15:07 , Фото: архив/Рамиль Гали

Татарстанга яңадан көчле җил һәм бозлы яшенле яңгырлар киләчәк
Көндез һава температурасы 20дән 25 градуска кадәр җылыначак.

(Казан, 2 июнь, «Татар-информ»). Иртәгә, 3 июньдә, Татарстан территориясендә төнлә урыны белән яңгырлар көтелә. Иртән һәм көндез кыска вакытлы яңгырлар республиканың күпчелек районнарында узачак. Бу хакта Татарстан Гидрометеорология үзәге хәбәр итә.

Моннан тыш, көндез урыны белән секундына 15-20 метрга кадәр кыска вакытлы җил көчәюе ихтимал, кайбер урыннарда боз яварга мөмкин. Аерым алганда, Татарстан синоптиклары Казанда җилнең тизлеге секундына 15-18 метрга кадәр көчәюе белән яшенле яңгыр булачагы турында кисәтә.

Төнлә термометр баганалары 10 градуска кадәр төшәчәк. Көндез һава +20, +25 градуска кадәр җылына.

«Татар-информ» мәгълүмат агентлыгы элек хәбәр иткәнчә, метеорологлар фаразына караганда, Татарстанда эссе һава якшәмбегә кадәр саклана.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10