ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Гүзәл Удачина татарстанлыларны Балаларны яклау көне белән котлады

1 июнь 2019, 09:51 , Фото: архив/Михаил Захаров

Гүзәл Удачина татарстанлыларны Балаларны яклау көне белән котлады Ел саен Татарстанда балаларның хокукларын һәм мәнфәгатьләрен тәэмин итү өчен, аларның потенциалын ачуга ярдәм итүче шартлар тудырыла.

(Казан, 1 июнь, «Татар-информ»). Татарстан Республикасында Бала хокуклары буенча вәкаләтле вәкил Гүзәл Удачина республика халкын балаларны яклау көне белән котлады. Бу хакта омбудсменның матбугат хезмәте хәбәр итә.

«Бу көнне без балаларыбызга шатлык һәм горурлык хисе, әти — әни булу, балалар белән эшләү, балачак мәсьәләләре белән бәйле булу бәхетен аеруча тоябыз», - диде Гүзәл Удачина.

Ул билгеләп үткәнчә, без балалар хакына күп нәрсә эшләнә торган тарихи этапта. Ел саен яшь татарстанлыларның хокукларын һәм мәнфәгатьләрен тәэмин итү өчен, балаларның фән, иҗат, спорт һәм иҗтимагый тормыш потенциалын ачуга ярдәм итүче шартлар тудырыла.

«Бу безнең балаларга уңышлы һәм, иң мөһиме, бәхетле һәм яхшы кешеләр булырга мөмкинлек бирәчәк», - дигән омбудсмен.

Аның сүзләренчә, бала өчен бәхетнең төп критерие - нык гаилә, яратучы һәм кайгыртучан ата-аналар, шуңа күрә балаларны тәрбияләү, аларның физик һәм әхлакый үсеше ата-аналарның төп кайгыртуы булырга тиешлеген онытмаска кирәк.

«Балаларыбызның тормышы матур, мәрхәмәтле һәм эчкерсез хисләр, дусларның ышанычлылыгы, гаилә учагы белән тулсын! Алар юлында да тормыштагы төп кыйммәтләрне бирә ала торган игелек, мәхәббәт һәм игелеклелек үрнәге булган кешеләр очрасын!» - дип тәмамлады Татарстанда Бала хокуклары буенча вәкаләтле вәкил.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10