ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Мәдәният

АКШ компанясе Түбән Камада бензин һәм шин җитештерү белән танышкан

31 май 2019, 05:00 , Фото: tat.e-nkama.ru/news/

АКШ компанясе Түбән Камада бензин һәм шин җитештерү белән танышкан Ирландия, Норвегия һәм Дания автомобильчеләре Түбән Камада җитештерелгән бензинны сата.

(Казан, 31 май, "Татар-информ"). Түбән Камага Америка Кушма Штатларының Circle K компаниясе вәкилләре килгән. Компаниянең ягулык белән глобаль тәэмин итү буенча вице-президенты Алекс Миллер җитәкчегендәге делегация Түбән Камада бензин һәм шин җитештерү белән танышкан. Бу турыда Түбән Кама муниципаль районы рәсми сайтында хәбәр ителә.

Визитның максаты - ягулык җитештерүче буларак "Татнефть" һәм Circle K компанияләре арасында хезмәттәшлекне ныгыту. Делегация әгъзалары "Татнефть" генераль директоры Наил Мәганов белән очрашкан һәм киләчәктә хезмәттәшлек перспективалары турында фикер алышкан.

Хәзер Circle K компаниясе "ТАНЕКО" комплексында җитештерелгән ягулыкны Ирландия, Норвегия һәм Даниядә сату белән шөгыльләнә. 2019 елның май аена алынган мәгълүматларга караганда, Россия базарында Circle K аша 4200 тонна дизель ягулыгы, 150 тонна АИ-92 һәм 150 тонна АИ-95 бензины сатылган.

Circle K компаниясенә нигез салучы һәм аның хуҗасы – эшмәкәр Алан Бушар, дип хәбәр итә energybase.ru. Компаниянең штаб-фатиры Канаданың Квебек провинциясе Лаваль шәһәрендә урнашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10