ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Рәсми Татарстан

Минтимер Шәймиев Әхмәд Хаҗи Абдулаев белән очрашты

30 май 2019, 12:47 , Фото: tatarstan.ru

Минтимер Шәймиев Әхмәд Хаҗи Абдулаев белән очрашты Әңгәмә барышында Татарстан белән Дагыстан арасында дини белем бирү һәм рухи мәдәният өлкәсендә хезмәттәшлек мәсьәләләре каралды.

(Казан, 30 май, «Татар-информ»). Бүген Казан Кремлендә Татарстан Республикасы Дәүләт Киңәшчесе, «Яңарыш» Республика Фондының Попечительләр Советы Рәисе Минтимер Шәймиев Дагыстан Республикасы мөселманнары Диния нәзарәте рәисе Әхмәд Хаҗи Абдулаев белән очрашты. Бу хакта Президенты матбугат хезмәте хәбәр итә.

Встреча Государственного Советника Республики Татарстан М.Ш. Шаймиева с Председателем Духовного управления мусульман Республики Дагестан А. М. Абдулаевым

Әхмәд Хаҗи Абдулаев Татарстанга эш сәфәре белән килде. Кичә ул Казан Кремлендә Татарстан Республикасы Президенты Рөстәм Миңнеханов белән очрашты. Абдулаев Болгар музей-тыюлыгында булды, Болгар ислам академиясе эшчәнлеге белән танышты, Россия ислам институтында булды, Чистайда изге урыннарны карады, Казан Кремле буйлап экскурсиядә, Кол Шәриф мәчетендә, Әҗем, Апанай, Галиев мәчетендә булды.

Очрашу башында Әхмәд Хаҗи Болгар музей-тыюлыгында, Болгар ислам академиясендә һәм Казан мәчетләрендә булганнан алган тәэсирләре белән уртаклашты.

Встреча Государственного Советника Республики Татарстан М.Ш. Шаймиева с Председателем Духовного управления мусульман Республики Дагестан А. М. Абдулаевым

Әңгәмә барышында Татарстан белән Дагыстан арасында дини белем бирү һәм рухи мәдәният өлкәсендә хезмәттәшлек мәсьәләләре каралды.

Очрашуда Дагыстан ислам университеты ректоры Мөхәммәд Абдулаев, «Симург» ҖЧҖ генераль директоры Самат Хәкимов катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10