ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Казанда бер ир-ат судта үзенә хөкем карарын тыңлаганнан соң, чыгып качкан

29 май 2019, 16:46

Хәзерге вакытта качкынны полиция хезмәткәрләре эзли.

(Казан, 29 май, «Татар-информ»). Казан судында үзенә карата хөкем карарын тыңлаган һәм суд бинасыннан чыгып качкан ир-атны полиция хезмәткәрләре эзли. Бу хакта Россия Эчке эшләр министрлыгының Казан буенча идарәсе матбугат хезмәтендә хәбәр иттеләр.

Агентлык мәгълүматлары буенча, тикшерү барган вакытта 48 яшьлек ир беркая да китмәү турында гариза язган булган. Аны «Мошенниклык» маддәсе буенча гаепләгәннәр. Бүген суд аны ун айга ирегеннән мәхрүм иткән. Суд карарын тыңлаган ир-ат бәдрәфкә җибәрүләрен сораган һәм качкан.

Суд приставлары матбугат хезмәтендә «Татар-информ» агентлыгына хәзер сүз барган процессның Эчке эшләр министрлыгы хезмәткәрләр катнашыннан башка узуын аңлаттылар.

«Әлеге суд утырышы иминлеген тәэмин итү өчен судьялар тарафыннан суд приставлары җәлеп ителмәгән», - дип хәбәр итте Федераль суд приставлары хезмәтенең Татарстан буенча идарәсе массакүләм мәгълүмат чаралары белән хезмәттәшлек итү буенча баш белгеч-эксперт Лилия Хәлимова.

Агентлык мәгълүматлары буенча, процесста өч кеше – судья, аның ярдәмчесе һәм хөкем ителүче үзе булган.

«Хәзерге вакытта полицейскийлар хөкем ителүчене эзләүгә һәм тоткарлауга юнәлдерелгән чаралар үткәрә», - дип хәбәр итте агентлыкка Россия Эчке эшләр министрлыгының Казан буенча идарәсе матбугат хезмәте җитәкчесе Мария Кыяметдинова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10