ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Россия сыйфат системасы белгечләре туңдырманы ничек сайларга кирәклеген аңлатты

28 май 2019, 12:47

Продуктның сыйфатлымы-түгелме икәнлеген белү өчен, экспертлар туңдырманы бераз китеп алырга киңәш итә.

(Казан, 28 май, «Татар-информ»). Россия сыйфат системасы белгечләре яхшы һәм файдалы туңдырманы ничек сайларга кирәклеге хакында сөйләде.

Иң беренчеләрдән булып продуктның атамасына игътибар итәргә кирәк. «Үсемлек майлары кушып ясалган туңдырма җитештерүче тарафыннан «составында үсемлек һәм ак май булган туңдырма» яки «составында үсемлек мае булган туңдырма» буларак билгеләнергә тиеш», - дип искәртә белгечләр.

Порциянең авырлыгы граммнарда күрсәтелүе шарт.

Продуктның сыйфатлымы-түгелме икәнлеген белү өчен, экспертлар туңдырманы бераз китеп алырга киңәш итә. Туңдырылган масса һәрвакыт тыгыз консистенциягә ия һәм ул җиңел генә кубарга тиеш.

Әгәр продуктның өслегендә боз кристаллары бар икән, туңдырманы кабат катырганнар дигән сүз – аның тәме инде бозылган.

«Россия сыйфат системасы стандартлары нигезендә, идеаль пломбир чиста һәм татлы тәмгә, бертөрле структурага ия, консистенциясе тыгыз булырга һәм аннан тәмле ваниль исе аңкып торырга тиеш», - дип искәртә чыганак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10