ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Казанда татар халкының этнодини бердәйлеге хакында фикер алышачаклар

28 май 2019, 10:46

2019 елның сентябрендә республика башкаласында икенче халыкара конференция узачак.

(Казан, 28 май, «Татар-информ»). 18-20 сентябрьдә Татарстан башкаласында «Глобальләшү шартларында татар халкының бүгенге дөньяда этнодини бердәйлеге» дигән икенче Халыкара фәнни-гамәли конференция була. Бу хакта ТР Мәдәният министрлыгының матбугат хезмәте хәбәр итә.

Чарада этнологлар, этнографлар, ислам һәм дин белгечләре, тарихчылар һ.б. катнаша ала.

Форум кысаларында секцияләр һәм түгәрәк өстәлләр оештырылачак, аларда бүгенге заман шартларында этномәдәни киңлекне үстерү проблемалары, татар халкының этнологик һәм дини бердәйлеге арасындагы үзара элемтәнең үзенчәлекләре һ.б. мәсьәләләр хакында фикер алышачаклар. Конференция ахырында мәкаләләр җыентыгы бастырып чыгару күздә тотыла.

Чарада катнашырга теләүчеләр гаризаларын – 1 августка, ә бастырып чыгару өчен доклад текстларын 15 августка кадәр түбәндәге электрон адреска җибәрә ала: confkzn2019@mail.ru.

  • Гаризага сылтама: /file/File/ЗАЯВКА(9).docx 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10