ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Рәсми Татарстан

Миңнеханов Чаллыда социаль ипотека йортында яшәүчеләрне өй туе белән котлады

27 май 2019, 19:12 , Фото: tatarstan.ru

Миңнеханов Чаллыда социаль ипотека йортында яшәүчеләрне өй туе белән котлады
 63/15 ун катлы торак йорттагы 403 фатирда социаль ипотека чиратында торучылар, ветераннар һәм күп балалы гаиләләр яши.

(Казан, 27 май, «Татар-информ»). Татарстан Президенты Рөстәм Миңнеханов бүген Чаллыда 63/15 социаль ипотека торак йортына күченүчеләрне өй туе белән котлады. Бу хакта республика җитәкчесенең матбугат хезмәте хәбәр итә.

Татарстан Президенты Автошәһәрдә социаль ипотека программасы кысаларында йортлар төзү дәвам итәчәген әйтте. Социаль инфраструктура объектларын, аерым алганда, балалар бакчасы һәм мәктәпләр төзү буенча эш алып барыла, дип өстәде ул.

Торжественное заселение 403 квартирного жилого дома, 
построенного по программе социальной ипотеки.

Аннары Рөстәм Миңнеханов фатирларның берсен карап чыкты. Йорттагы барлык фатирлар сантехника, янгын сүндерү датчиклары, су, газ һәм электр энергиясен исәпкә алу счетчиклары, җылылык регуляторлары һәм мәгълүматларны ерактан санауның автомат системасы белән җиһазландырылган.

Йорт, оптималь архитектура-планлаштыру карарларын исәпкә алып, яхшы, җылылыкка чыдам һәм климатик тотрыклылыкны тәэмин итүче заманча өч катлы тимер-бетон панельләрдән төзелгән.

Торжественное заселение 403 квартирного жилого дома, 
построенного по программе социальной ипотеки.

Моннан тыш, бүген Татарстан Президенты «Яшьлек» микрорайонында өлешле төзелешнең проблемалы объектлары исәбенә керә торган 65/06 торак йорт төзелешенең барышы белән танышты. Аны «ФОН» компанияләр төркеме төзи башлаган, «Профит» дәүләт компаниясе төзелешне дәвам итә.

Бинаны 2020 елда тапшыру планлаштырыла. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10