ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Дин

Дагыстан мөфтие Болгар һәм Чистайның рухи ядкәрләре белән танышты

27 май 2019, 18:06 , Фото: dumrt.ru

Дагыстан мөфтие Болгар һәм Чистайның рухи ядкәрләре белән танышты Үз сәфәрен мөхтәрәм кунак Болгар музей-тыюлыгыннан башлады.

(Казан, 27 май, "Татар-информ"). Бүген, Рамазан аеның 22нче көнендә, Дагыстан мөфтие Әхмәд хаҗи Абдулаев, татар халкының рухи мәдәният өлкәсенә караган тарихи ядкәрләре белән танышу өчен, Татарстанга килде. Бу хакта ТР Диния нәзарәтенең матбугат хезмәте хәбәр итә. 

Үз сәфәрен мөхтәрәм кунак Болгар музей-тыюлыгыннан башлады. Биредә аны Спас районы башлыгы Камил Ногаев, Болгар ислам академиясе ректоры Данияр Абдрахманов, район имам-мөхтәсибе Фәрхәт хәзрәт Минсәгыйров, тарихчы, музей-тыюлыкның фәнни хезмәткәре Җәмил Мөхәммәтшин каршы алды.

Әхмәд хаҗи Абдулаев борынгы Болгар җирлеген карауны 922 елда Ислам дине кабул ителүгә багышланган Истәлек билгесеннән башлады. Биредә аңа җир йөзендәге иң зур басма Коръәнне күрсәттеләр. Ул алга таба борынгы Җәмигъ мәчет урнашкан урынны һәм Зур манараны карады.

Борынгы истәлекләр белән танышканнан соң, мөфти Ак мәчеткә юнәлде. Биредә кунакка мәчет имамы Али хәзрәт көн дәвамында Коръән укылу проекты турында сөйләде. Дагыстан дин эшлеклесе шулай ук әлеге мәчеттә сакланучы Пәйгамбәр салләллаһу галәйһи вә сәлләм чәченең тарихы белән кызыксынды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10